පොඩ්ඩාගේ කතාව

 කුඹුරැ යායකින් වට වී ඇති ගමේ පාසලේ පොඩ්ඩානම් දක්ෂ ළමයෙක් ඉගෙනුම ලැබුවා. පොඩ්ඩා චිත්‍ර අඳින්න වගේම විද්‍යාව විෂයයටත් ගොඩාක් කැමතියි. දිනක් ගුරැවරැන් අතර අලුත් මුහුණක් පොඩ්ඩාට දකින්න ලැබුණා. ඒ තමයි පාසලට පැමිණි අලුත් චිත්‍ර සර්.  අලුත් චිත්‍ර සර් එදින ඉගැන්වුවේ ගල් විහාරය ගැනයි. පොඩ්ඩා ඉතා ඕනෑකමින් චිත්‍ර විෂය හදාරා තරගවලට ඉදිරිපත්ව ජයග්‍රහණ ලැබුවා. ඒත් පොඩ්ඩාට වුවමනා වුණේ වෛද්‍යවරයකු වීමටයි. 
 පොඩ්ඩා හොඳින් ඉගෙන ගත්තා. චිත්‍ර සර් ගොඩාක්  උදව් කළා. පොඩ්ඩා සාමාන්‍ය පෙළ ඉහළින් සමත් වී වෙනත් පාසලකට ගොස් උසස්පෙළ විද්‍යා විෂයයන් හැදෑරැවා. සිතුවා වගේම පොඩ්ඩා වෛද්‍යවරයකු වුණා. මුලින්ම පොඩ්ඩා කළේ තමන්ට උදව් කළ චිත්‍ර ගුරැතුමා බලන්නට යාමයි. එදා චිත්‍ර සර් කොතරම් සතුටුවුණා ද කිව්වොත් පොඩ්ඩාව බදාගෙන ඇඬුවා.

හසනි අතපත්තු
11 ශ්‍රේණිය,
බ/රාජකීය විද්‍යාලය,
කුමාරපට්ටිය, 
අඹගස්දෝව.