2024 ඔක්තෝබර් මස 16 ප.ව. 07:52 - {{hitsCtrl.values.hits}}
ඓතිහාසික තන්තිරිමලේ විහාර පරිශ්රය විදුලි බුබුළු 40,000 කට අධික සංඛ්යාවක ආලෝකයෙන් දිදුලන විට සැදැහි සිතින් සිව්දෙසින් එහි පැමිණ සිටි බොදු බැතිමතුන්ගේ සාධු නාදයෙන් මුළු පෙදෙසම පිරී ඉතිරි ගියේය.
ආලෝක පූජාව ආරම්භ කිරීමට පෙරාතුව හපුතලේ පඤ්ඤාරාම හිමියන් රැස්ව සිටි පිරිස පංචශීලයේ පිහිටවූහ. ඉන් අනතුරුව උතුරු නැගෙනහිර දෙපළාතේ උප ප්රධාන සංඝනායක තන්තිරිමලේ රජ මහ විහාරයේ විහාරාධිපති තන්තිරිමලේ චන්දරතන නාහිමියන් විසින් අනුශාසනා දේශනයක් කරනු ලැබිණි.
විදුලි බුබුළු දැල්වීමෙන් අනතුරුව ආරක්ෂක රාජ්ය අමාත්ය රුවන් විජයවර්ධන, විජය පුවත්පත් සමාගමේ සභාපති රංජිත් විජයවර්ධන හා උප සභාපති සුජාන් විජයවර්ධන මහත්වරුන් අතින් තන්තිරිමලේ විද්යාලයේ උසස් පෙළ සිසුවියන් 13 දෙනකුට ශිෂ්යත්ව පිරිනමනු ලැබිණි.
ආලෝක පූජාවේ කටයුතු අවසන් වීමෙන් අනතුරුව ශබ්ද පූජාවක් ද ඉන් අනතුරුව තන්තිරිමලේ විමලඥාන ධර්ම විද්යාලයේ සිසුවියන්ගේ සහභාගීත්වයෙන් බැති ගී ප්රසංගයක් ද පැවැති අතර භක්ති ගීතවලින් තන්තිරිමලේ පුදබිම රැව් පිළිරැවි දිනි.
පොසොන් පුර පසළොස්වක් පෝ දිනයේදී උදෑසනම දිවයිනේ නන් දෙසින් ඓතිහාසික තන්තිරිමලේ රාජමහා විහාරස්ථානයට පැමිණි දහස් සංඛ්යාත උවසු උවැසියෝ පෙහෙවස් සමාදන් වූහ.
ධර්ම දේශනා හා ධර්ම සාකච්ඡා රැසකින් සීල සමාදාන වැඩසටහන සමන්විත වූ අතර සන්ධ්යාභාගය වනවිට පැමිණෙන බැතිමතුන්ගේ පිරිස ක්රමයෙන් වර්ධනය වූයෙන් තන්තිරිමලේ පුදබිමට පැමිණෙන වීදිවල තරමක වාහන තදබදයක් ද දකින්නට විය. පොලිසිය හා සංවිධායකයෝ එක්ව එහිදි රථවාහන සැලැස්මක් ක්රියාත්මක කළහ.
ලංකාදීප ආලෝක පූජාවෙන් තන්තරිමලය බැබලේ
හර්ෂණ තුෂාර සිල්වා - ඡායාරූප - ශාන්ත රත්නායක
මාර් ටින් වික්රමසිංහ අනුස්මරණ යොවුන් හා ළමා නවකතා තරගාවලිය - 2025 වැඩි විස්තර සඳහා 2024/08/27 වැනිදා විජය පුවත්පත බලන්න මාර්ටින් වික්රමසිංහ භාරකාර මණ්ඩලයේ පූර්ණණ අනුග්රහයෙන් විජය ළමා පුවත්පත හා කොළඹ මහජන පුස්තකාලය එක්ව පවත්වන මාර්ටින් වික්රමසිංහ අනුස්මරණ යොවුන් හා ළමා නවකතා තරගාවලිය - 2025 හැඳින්වීම අප මහ ලේඛක මාර්ටින් වික්රමසිංහ සූරීන්ගේ 135වැනි ජන්ම දිනය සමරන්නේ 2025දීය Read more... |
diary Read more... |