තායිලන්තයේ නව රජු දිවුරුම් දීම වසරකින් කල් යයි

තායිලන්තයේ නව රජු ලෙස භූමිබෝල් රජුගේ පුත් මහා වජිරලොන්කෝර්න් කුමරු කිරුළු පැළැදීමේ උත්සවය තවත් වසරකින් කල්දැමීමට තීරණය වී ඇතැයි තායිලන්ත රජය සඳහන් කරයි.

 මෙය කුමරුගේ ඉල්ලීම අනුව සිදුවන්නක් බවත්, රජුගේ අභාවය සම්බන්ධ ශෝක කාලය වසරක් පුරා ක්‍රියාත්මකවීම ඒ සඳහා හේතුව බවත් රජය දන්වා සිටියි.

තායිලන්තයේ අභාවප්‍රාප්ත භූමිබෝල් අදුල්යාදේජ් රජුට අවසන් ගෞරවය දැක්වීම සඳහා තායිලන්ත වැසියෝ සිය දහස් ගණනින්  බැංකොක් නුවරට ඇදෙමින් සිටින බව විදෙස් මාධ්‍ය පවසයි. බැංකොක්හි පිහිටි රාජමාලිගාවේ එතුමන්ගේ දේහය තැන්පත් කර තිබේ. කෙසේ වෙතත් රජුගේ දේහය පිළිබඳ අවසන් කටයුතු මෙතෙක් පැහැදිලිව අනාවරණය වී නොමැත.(WMDJBM)