ඉන්දීය මහ මැතිවරණයෙන් අගමැති නරේන්ද්‍ර මෝදි මහතාගේ භාරත ජනතා පක්ෂය ඓතිහාසික ජයක් ලබා ඇතැයි ඉන්දීය විදේශ අමාත්‍ය සුෂ්මා ස්වරාජ් මහත්මිය ටිව්ටර් පණිවිඩයක් නිකුත් කරමින් කියා සිටියාය. මෝදිගේ භාරතීය ජනතා පක්ෂය ආසන 543 කින් 292ක් දිනාගනිමින් ඉදිරියෙන් සිටින බවද, පාර්ලිමේන්තුවේ පහළ මන්ත්‍රී සභාවේ බහුතරය දිනාගැනීමට 272 ක් ඉක්මවූ ආසන ප්‍රමාණයක් අවශ්‍ය බව ද වාර්තා වේ. භාරත ජනතා පක්ෂයේ ජ්‍යෙෂ්ඨයකු ද වන සුෂ්මා මහත්මිය ඉන්දීය මහ මැතිවරණයෙන් එම පක්ෂය දැවැන්ත ජයක් ලබා ඇති බව ට්විටර් ප්‍රකාශයක් නිකුත් කරමින් පැවසුවාය.

  ඉන්දීය මහ මැතිවරණයෙන් විශිෂ්ඨ ජයග්‍රහණයක් ලබා යළිත් ඉන්දීය අග්‍රාමාත්‍යවරයා ලෙස පත්වූ ඉන්දීය අග්‍රාමාත්‍ය නරේන්ද්‍ර මෝදි මහතාට සුබ පැතුම් එක් කිරීමට ජනපති මෛත්‍රීපාල සිරිසේන මහතාත් අග්‍රාමාත්‍ය රනිල් වික්‍රමසිංහ මහතාත් සුබ පැතුම් එක්කර තිබේ.