විශාලතම රේඩියෝ දුරේක්ෂය දියත් කිරීමට රුසියාවේ සූදානමක්

රුසියාව විසින් එතෙක් මෙතෙක් අභ්‍යවකාශ ගත කරන විශාලතම රේඩියෝ දුරේක්ෂයේ සැලසුම් කටයුතු මේ දිනවල සිදු කෙරෙමින් පවතින බව වාර්තා වෙයි.Millimetronහෙවත් Spektr-M ලෙස මෙම දුරේක්ෂය නම් කර තිබේ. රුසියාවේ සැලසුමට අනුව මෙය චන්ද්‍රයාගේ කක්ෂයට එපිටින් පිහිටුවීමට කටයුතු යොදා ඇත.

වසර 2020 අවසන්වීමට පෙරාතුව නිමා කිරීමට සැලසුම් කර ඇති මෙම මෙහෙයුම මගින් විශ්වයේ වඩාත් විස්තරාත්මක ඡායාරූප ලබා ගැනීමට හැකියාව ලැබෙනු ඇතැයි රුසියානු අභ්‍යවකාශ බලධාරීන් විශ්වාසය පළ කරයි. මෙහිදී එම දුරේක්ෂය ස්වයංක්‍රීයව හෝ ගොඩබිම පිහිටි මෙහෙයුම් මධ්‍යස්ථානයට අනුව කටයුතු කිරීමේ අවස්ථාව පවතී.

මීට පෙර 2011 වසරේදීද රුසියාව විසින් මෙවැනිම ආකාරයේ අභ්‍යවකාශ දුරේක්ෂයක් දියත් කරන ලදි. රේඩියෝඇස්ට්‍රෝන් (Spektr-R) දුරේක්ෂය ලෙස හැදින්වුණු මෙය රුසියාවේ සහ තවත් විදේශීය අභ්‍යවකාශ ගවේෂණ සමාගම්වල එකමුතුවෙන් දියත් කෙරුණකි. කෙසේ වෙතත් සැලසුම් කෙරී ඇති මෙම නවීනතම Millimetron අභ්‍යවකාශ දුරේක්ෂයෙන් වඩාත් සාර්ථක තොරතුරු ලබා ගැනීමට හැකි වෙනු ඇති බව රුසියාව පවසයි.(wmdjbm)