චීනයෙන් වඳුරු උණ රෝගියෙක් හමුවෙයි

මෑතකදී චීනයට පැමිණි පුද්ගලයෙකුට වඳුරු උණ වෛරසය ආසාදනය වී ඇති බව තහවුරු වී තිබේ. මෙය චීනයෙන් වඳුරු උණ ආසාදිතයෙක් වාර්තා වූ පළමු අවස්ථාව වෙයි. 

නිරිතදිග නගරයක් වන චොංකිංහි සෞඛ්‍ය බලධාරීන් පැවසුවේ COVID-19 සඳහා නිරෝධායනය වෙමින් සිටියදී පුද්ගලයෙකු මෙසේ වඳුරු උණ රෝල ලක්ෂණ පෙන්නුම් කර ඇති බවයි.

චීනයේ ශුන්‍ය-COVID ප්‍රතිපත්තිය යටතේ, රටට ඇතුළු වන පුද්ගලයන් සාමාන්‍යයෙන් පැමිණීමෙන් පසු සති 1 ත් 2 ත් අතර හුදකලාව සම්පූර්ණ කළ යුතුය.

සමේ කැක්කුම ඇතුළු රෝග ලක්ෂණ වර්ධනය වීමෙන් පසු වඳුරු උණ රෝගියා හඳුනාගෙන ඇති බව නගර සෞඛ්‍ය කොමිසම වාර්තාවක සඳහන් කර ඇති අතර එය  “ආනයනික ආසාදනයක්” ලෙස වර්ගීකරණය කර ඇත.

රෝගියා "නම් කරන ලද රෝහලක මධ්‍යගත හුදකලාවකට භාජනය වෙමින් සිටින අතර ස්ථාවර තත්ත්වයක සිටී", යැයි එම වාර්තාව පවසයි.

නගරයට ඇතුළු වූ වහාම රෝගියා හුදකලා කර ඇති නිසා, "සමාජ සම්ප්‍රේෂණය පිළිබඳ කිසිදු හෝඩුවාවක් නොමැති අතර සම්ප්‍රේෂණය වීමේ අවදානම අඩුය", එය පවසයි.