අතථ්‍ය මුදල් භාවිතය ගැන මහ බැංකුවෙන් නිවේදනයක්

ශ්‍රී ලංකාව තුළ අප්‍රකාශිත විද්‍යුත් මුදල් ඇතුළු අතථ්‍ය  මුදල් (Virtual Currencies) සම්බන්ධව ක්‍රියාමාර්ග ගැනීමට බලපත්‍ර ලබාදීමක් හෝ බලය පැවැරීමක් ශ්‍රී ලංකා මහ බැංකුව විසින් සිදුකර නොමැති බව මහ බැංකුව නිවේදනයක් නිකුත් කරමින් පවසයි.

එසේම කිසිඳු ආයතනයකට මූලික කාසි අර්පණයක් සඳහා බලය පැවැරීමක් කර නොමැති බවද මහ බැංකුව සඳහන් කරයි.

එසේම මෙම අප්‍රකාශිත විද්‍යුත් මුදල් භාවිත කිරීම හරහා පාරිභෝගිකයන්ට මෙන්ම රටෙහි ආර්ථිකයට මූල්‍යමය, මෙහෙයුම්, නීතිමය, පාරිභෝගික සුරක්ෂිතතාව හා ආරක්ෂාව යන අංශවලින් සැලකිය යුතු අවධානමක් ඇතිකරන බවද එම නිවේදනයේ දැක්වෙයි.

නිරෝෂා ප්‍රියදර්ශනී