අධ්‍යාපන පද්ධතියේ වර්ධනයට සෘජු ක්‍රියාමාර්ග ගන්නවා - අධ්‍යාපන ඇමැති
2025 ජනවාරි මස 11 පෙ.ව. 08:40 - {{hitsCtrl.values.hits}}
ඉදිරි වසර කිහිපයේදීත් අධ්‍යාපන පද්ධතිය වර්ධනය කිරීම සඳහා ගත යුතු ක්‍රියාමාර්ග සෘජුවම ගන්නා බව අධ්‍යාපන අමාත්‍ය අකිල විරාජ් කාරියවසම් පැවසීය.
වංචා සහ දූෂණ මැඩලමින් අධ්‍යාපන ක්ෂේත්‍රයේ ගුණාත්මක බව වැඩිකරවීම සඳහා කටයුතු කිරීමට වත්මන් රජය කටයුතු කළ ද ඇතැම් පිරිස් සිය පටු දේශපාලන අරමුණු වෙනුවෙන් එම ක්‍රියාමාර්ග අසුබවාදී ලෙස විවේචනය කරනු ලබන බව ද ඒ මහතා සඳහන් කළේය.
අමාත්‍යවරයා මෙලෙස අදහස් දක්වා සිටියේ, අද (26) අධ්‍යාපන අමාත්‍යාංශයේ පැවති ශික්ෂණ විද්‍යා ඩිප්ලෝමාධාරීන් 71 දෙනෙකු සඳහා පත්වීම් ලිපි ප්‍රදානය කිරීමේ උත්සවයකට එක්වෙමින්.
අමාත්‍යවරයා පෙන්වා දෙන්නේ, අධ්‍යාපන අමාත්‍යාංශය විසින් හඳුන්වා දුන් පාසල් ළමයින් සඳහා නිල ඇඳුම් වවුචර් නිකුත් කිරීමේ නව ක්‍රමවේදය මෙන්ම තවත් ව්‍යාපෘතීන් රැසක් පිළිබඳව ඇතැම් පිරිස් විවිධ දේශපාලන දෘෂ්ඨි කෝණවලට මුවා වී විවේචනය කිරීම නිසා එම ව්‍යාපෘතිවල සැබෑ අරමුණු සහ පරමාර්ථ ජනතාව වෙත අවබෝධවීමේ මග ඇහිරී ගිය බවයි.
වෙනත් පුද්ගලයින් මෙන් කොමිස් සහ ලාභාංශ අපේක්ෂා නොකොට අදාළ ව්‍යාපෘතිවල විනිවිදභාවය සුරැකෙන අයුරින් කටයුතු කර තිබියදී ද ඇතැම් පිරිස් එම ව්‍යාපෘතීන් පිළිබඳ දේශපාලන මුහුණුවරින් පහරගැසීම කණගාටුවට කරුණක් බව ද අමාත්‍ය අකිල විරාජ් කාරියවසම් මහතා සඳහන් කළේය.
එමෙන්ම පාසල් ළමුන් සහ ගුරුවරුන් වෙත ටැබ් පරිගණක ලබා දීමේ ක්‍රමවේදය ද සිය පටු න්‍යාය පත්‍ර ඔස්සේ විවේචනය කළ ඇතැම් පිරිස් නිසා සිසුන්ට සහ ගුරුවරුන්ට හිමිවීමට තිබූ එම අධ්‍යාපන අවස්ථාවට ද බාධා මතුවී ඇති බව අධ්‍යාපන අමාත්‍යවරයා මෙහිදී පෙන්වා දුන්නා.
පසුගිය වසර කිහිපය තුළ දී වත්මන් රජය විසින් මෙරට අධ්‍යාපන ක්ෂේත්‍රය තුළ දැවැන්ත වෙනස්කම් රැසක් සිදුකළ බවත් ඉදිරි වසර කිහිපය තුළ දී ද තවත් වෙනස්කම් රැසක් සිදුකිරීමට නියමිත බවත් අමාත්‍යවරයා පැවසීය.
අමාත්‍යවරයා පැවසුවේ ඉදිරියේ දී නව විද්‍යාපීඨ කිහිපයක් ආරම්භ කොට නව විද්‍යාර්ථයින් රැසක් අධ්‍යාපන පද්ධතියට එක් කිරීමට බලාපොරොත්තු වන බවයි. එමෙන්ම ඉදිරි වසර කිහිපයේදීත් අධ්‍යාපන පද්ධතිය වර්ධනය කිරීම සඳහා ගත යුතු ක්‍රියාමාර්ග අධ්‍යාපන අමාත්‍යාංශය විසින් සෘජුව ම ගන්නා බව ද අධ්‍යාපන අමාත්‍ය අකිල විරාජ් කාරියවසම් මහතා වැඩිදුරටත් සඳහන් කළේය.
මහා සංඝරත්නය ප්‍රමුඛව අධ්‍යාපන අමාත්‍යාංශයේ අතිරේක ලේකම් සේනානි හේවගේ මහතා සහ විභාග කොමසාරිස් ජනරාල් සනත් පූජිත මහතා ඇතුළු නිලධාරීන් රැසක් මේ අවස්ථාවට එක්ව සිටියහ.
-
තෙත් බිම්දින තරගාවලිය - 2025 අයදුම් කරන්න
වැඩි විස්තර සඳහා විජය ළමා පුවත්පත කියවන්න
වනජීවී හා වනසම්පත් සංරක්ෂණ අමාත්‍යාංශය
වනජීවී සංරක්ෂණ දෙපාර්තමේන්තුව
2025 පෙබරවාරි 2 ලෝක තෙත් බිම් දිනය සැමරීම නිමිත්තෙන්
අධ්‍යාපන අමාත්‍යාංශයේ සහභාගීත්වය සහිතව
වනජීවී සංරක්ෂණ දෙපාර්තමේන්තුව හා මධ්‍යම පරිසර අධිකාරිය ඒකාබද්ධව
විජය පුවත්පත් සමාගමෙහි මාධ්‍ය අනුග්‍රාහකත්වයෙන් දීප ව්‍යාප්තව පවත්වනු ලබන
තෙත් බිම්දින තරගාවලිය - 2025
ලෝකයේ ජෛව විද්‍යාත්මක හාපරිසර විද්‍යාත්මක මෙන් ම ආර්ථික වශයෙන් ද ඉතා වැදගත් ලෙස සැලකෙන තෙත්බිම් පරිසරය ආරක්ෂා කර ගැනීමෙහි ලා ශ්‍රී ලංකාවද පාර්ශ්ව කරුවෙකු වේ Read more...
-
diary Read more...