ඇමෙරිකාව කොටස් වශයෙන් විවෘත කිරීමට යයි

කොවිඩ් -19 දිගින් දිගටම එක්සත් ජනපදය පුරා ව්‍යාප්ත වෙමින් පැවැතියත්  ජනාධිපති ඩොනල්ඩ් ට්‍රම්ප් එරට ප්‍රාන්ත යළි කොටස් වශයෙන් විවෘත කිරීමට මේ වන විට ආණ්ඩුකාරවරුන්ට මග පෙන්වීම් සිදුකර තිබේ.

“නැවත ඇමරිකාව විවෘත කිරීම” යනුවෙන් වන මාර්ගෝපදේශ මඟින් ප්‍රාන්තවලට ඔවුන්ගේ අගුලු දැමීම් ක්‍රමයෙන් ලිහිල් කළ හැකි අදියර තුනක් දක්වා ඇත.

ට්‍රම්ප් මෙහිදී ආණ්ඩුකාරවරුන්ට පොරොන්දු වීයේ ෆෙඩරල් ආණ්ඩුවේ සහාය ඇතිව මෙම ක්‍රියාවලිය තමන් විසින්ම මෙහෙයවන බවයි.

එක්සත් ජනපදය තුළ වෛරසය හේතුවෙන් තහවුරු වූ රෝගීන් 654,301 ක් සහ මරණ 32,186 ක් වාර්තා වී තිබේ.

ට්‍රම්ප් යෝජනා කර ඇත්තේ මේ මාසයේ සමහර ප්‍රාන්ත නැවත විවෘත කළ හැකි බවයි.

බ්‍රහස්පතින්දා පැවති සිය දිනපතා සාකච්ඡාවේදී ජනාධිපති ට්‍රම්ප් ප්‍රකාශ කළේ “අපේ යුද්ධයේ ඊළඟ පෙරමුණ - නැවත ඇමරිකාව විවෘත කිරීම” යනුවෙනි.

"ඇමරිකාවට විවෘතව සිටීමටත් ඇමරිකානුවන්ට විවෘතව සිටීමටත් අවශ්‍යයි" ඔහු පැවසීය. "ජාතික වසා දැමීමක් තිරසාර දිගුකාලීන විසඳුමක් නොවේ."

දීර්ඝ කාලයක් අගුලු දැමීම මහජන සෞඛ්‍යයට බරපතල හානි පමුණුවන බව ඔහු පැවසීය. මත්ද්‍රව්‍ය භාවිතය, මත්පැන් අනිසි භාවිතය, හෘද රෝග සහ වෙනත් “ශාරීරික හා මානසික” ගැටලු “තියුණු වැඩිවීමක්” ගැන ඔහු අනතුරු ඇඟවීය.