කොරියානු භාෂා විභාගයෙන් 3514 ක් සමත්

ශ‍්‍රී ලංකා විභාග දෙපාර්තමේන්තුවේ සහයෙන් අධීක්ෂණයෙන් ඇගයුම් මත ලකුණු දීමේ ක‍්‍රමවේදය යටතේ පැවැත්වුණු පළමු කොරියානු භාෂා ප‍්‍රවීණතා විභාගයෙන් අපේක්‍ෂකයින් 3514 දෙනෙකු සමත් වී ඇති බව විදේශ සේවා නියුක්ති කාර්යාංශය නිවේදනය කරයි. මේ අතරින් නිෂ්පාදන අංශයේ රැකියා 20187ක් ද ධීවර අංශයේ රැකියා සඳහා අපේක්‍ෂකයින් 3118 දෙනෙකු ඉදිරිපත් වූහ. 

ඉහළ ලකුණු ලබා ගත් අයදුම්කරුවන්ගේ නාමලේඛනය කොරියානු මානව සම්පත් සංවර්ධන ආයතනය විසින් ප‍්‍රකාශයට පත්කර තිබේ. විභාගය කොරියානු මානව සම්පත් සංවර්ධන ආයතනය හා  ශී‍්‍ර ලංකා විදේශ සේවා නියුක්ති කාර්යාංශය එක්ව පවත්වන ලදී.  සමත් වූවන්ගේ නාම ලේඛනය, ලබාගත් ලකුණු ප‍්‍රමාණය, නිපුණතා පරීක්ෂණ දිනය හා වේලාව කාර්යාංශයේ www.slbfe.lk වෙබ් අඩවියෙන් ලබා ගත හැකිය. දකුණු කොරියාවේ ශී‍්‍ර ලාංකිකයින් 26,000ක්  ශ‍්‍රමිකයන් ලෙස සේවය කරති.