කොළඹ නගරය තෙත් බිම් නගරයක් ලෙස පසුගියදා ඩුබායි හි පැවති රැම්සා පාර්ශවකරුවන්ගේ සම්මුතියෙහි 13 වැනි සැසිවාරයේ දී ප‍්‍රකාශයට පත් කරනු ලැබ ඇත.

කොළඹ අවට පවත්නා තෙත්  බිම් මඟින් සිදුවන පාරිසරික සේවයේ ඇති වැදගත්කම සැළකිල්ලට ගෙන මෙසේ කොළඹ නගරය තෙත්බිම් නගරයක් ලෙස ප‍්‍රකාශයට පත්කරනු ලැබ ඇති බව එම සැසියට ශ්‍රී ලංකාව නියෝජනය කරමින් සහභාගි වූ වනජීවී සංරක්ෂණ දෙපාර්තමේන්තුවේ අධ්‍යක්ෂ (මෙහෙයුම්) මංජුල අමරරත්න මහතා උපුටා දක්වමින් ලංකාදීපය වාර්තා කරයි. රැම්සා සම්මුතිය පළමු වතාවට මෙසේ තෙත්බිම් නගර සංකල්පය ප‍්‍රකාශයට පත් කොට ඇති අතර ඒ වෙනුවෙන් ලෝකයේ රටවල් 6 ක නගර 18 ක් තෙත්බිම්  නගර ලෙස ප‍්‍රකාශයට පත් කර ඇත.

චීනයේ නගර 6ක් ද, ප‍්‍රංශයේ නගර 4ක් ද, කොරියාවේ නගර 4ක්, හංගේරියාවේ නගරයක්, ටියුනීසියාවේ නගරයක්, මැඩගස්කරයේ නගරයක්, හා කොළඹ නගරය මෙසේ නාගරික තෙත් බිම් ලෙස ප‍්‍රකාශයට පත්කරනු ලැබ ඇත. කොළඹ මහ නගර සභා ප‍්‍රදේශයේ, කොළොන්නාව නගර සභා ප‍්‍රදේශයේ හා ශ්‍රී ජයවර්ධනපුර කෝට්ටේ නගර සභා ප‍්‍රදේශයේ ඇති තෙත් බිම් සැළකිල්ලට ගෙන මෙසේ තෙත් බිම් නගරයක් බවට ප‍්‍රකාශයට පත් කරනු ලැබ ඇති  බව ද අමරරත්න මහතා  කීය.

කොළඹ නගරයේ ඉදිරි සංවර්ධන ක‍්‍රියාකාරකම් සිදු කිරීමේ දී නාගරික තෙත්  බිම් නගරයක් බව සැළකිල්ලට ගනිමින් පරිසරයට අහිතකර බලපෑම් සිදු නොවන පරිදි සැලසුම් සකස් කිරීම කෙරෙහි අවධානය යොමු කළ යුතුව ඇතැයි ද හෙතෙම කියා සිටියේය. ඉදිරියේ දී පරිසර  හිතකාමී කි‍්‍රයාකාරකම් තුළින් කොළඹ සුවිශේෂී සංචාරක පුරවරයක් බවට පත්කළ හැකි බව ද අමරරත්න මහතා තව දුරටත් සඳහන් කළේය.

සබැඳි පුවත්

• කොළඹ නගරය අන්තර්ජාතික තෙත්බිම් නගරයක් ලෙස නම් වෙයි

• තෙත්බිම් සැමරුම් උළෙල 2018

• වැසිවනාන්තර සුරකින්නෝ ඉළුක්පොතකන්ද වන වගා ව්‍යාපෘතියක් අරඹයි

• නකල්ස් ලෝක උරුමයෙන් ඉවත් වීමේ අවදානමක

• මහවැලි ගොවීන්ට සූර්ය බල විසුරුම් ජල සම්පාදන ක‍්‍රම හඳුන්වාදීම සඳහා නව ව්‍යාපෘතියක්

• බලශක්ති සුරක්ෂිතතාවට සුළං බල මෙහෙයුමක්

• උස්සන් ගොඩ

• දෙහිවලට නව සත්ව විශේෂ රැසක් 

• පරිසර පදනමේ රිට් පෙත්සම කල්යයි

• වන උයන් තුළට පොලිතින් ගෙනයාම සපුරා තහනම්

• එච්සීඑෆ්සී වායුව සහිත උපකරණ ගෙන්වීම ජනවාරියේ සිට තහනම්

• "තෙහෙට්ටුවට හල්පිට්ටු, සැප නින්දට මඩුපිට්ටු"

• පරිසර සුරැකුමට මහා සංඝරත්නයේ දායකත්වය

• කිඹුල් උද්‍යානයක් බලපිටියට

• බ්‍රොයිලර් කුකුළන්ගේ අක්මාවේ විස ආසනික්

• අලුතින් මිරිදිය සාලයන් විශේෂ හතරක් සොයා ගැනේ

• පරිසර නියමු ජනාධිපති පදක්කම් ප්‍රදානය කෙරේ

• වයඹ පළාත් පුෂ්පය ‘ඇට්ටේරියා‘ නියඟයෙන් පසු පැමිණි වැස්සට පුෂ්පිත වෙයි  

• සූර්ය බලශක්තියෙන් වයඹ සරසවිය බැටරි හදයි

• ජනාධිපති  පරිසර නියමු පදක්කම්  ප්‍රදානය 13 වැනිදා ජනාධිපති මන්දිරයේදී....

• අංගමැඬිල්ල උද්‍යානය