තොරතුරු තාක්ෂණ ශිෂ්‍ය සමාජ සවිබල ගැන්වීමට පියවර
2025 ජනවාරි මස 09 ප.ව. 10:21 - {{hitsCtrl.values.hits}}
දිවයින පුරා පාසල් මට්ටමින් ස්ථාපිත කර තිබෙන තොරතුරු තාක්ෂණ ශිෂ්‍ය සමාජ තවදුරටත් සවිබල ගැන්වීමට පියවර ගෙන තිබේ. ඒ අනුව පාසල් ප්‍රජාව සඳහා ඩිජිටල් අධ්‍යාපනය සහ ඩිජිටල් තාක්‍ෂණය පිළිබඳ දැනුම ලබා දෙනු ඇත. ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය (ICTA) සහ අධ්‍යාපන අමාත්‍යාංශයේ තොරතුරු තාක්ෂණ ශාඛාව ඒකාබද්ධව මෙය ක්‍රියාවට නංවා තිබේ. මෙහිදී නවීන තොරතුරු තාක්ෂණ උපකරණ භාවිතය පිළිබඳව ද ප්‍රායෝගික පුහුණුවක් ලබා දෙන බව නියෝජිතායතනය පවසයි. විශේෂයෙන්ම මෙහිදී පාසල් ප්‍රජාවට තොරතුරු තාක්ෂණ ක්ෂේත්‍රයේ පවතින අනාගත අවස්ථාවන් උදාකර ගැනීම මෙන්ම සයිබර් අවකාශය තමාට මෙන්ම සමාජයට හිතකර ලෙස භාවිතා කරන්නේ කෙසේද යන්න පිළිබඳවද දැනුවත් කරන බව ද නියෝජිතායතනය පවසයි. දිස්ත්‍රික්කයක් ආවරණය වන පරිදි අධ්‍යාපන කලාප මට්ටමින් එක් වරකට පාසල් 15කට පමණ මෙම පුහුණුව ලබා දෙන අතර තෝරාගත් පාසල් ශිෂ්‍ය ශිෂ්‍යාවන් ගුරුමහත්ම මහත්මීන් විදුහල්පතිවරුන් සහ අධ්‍යාපන පරිපාලන නිලධාරීන් මෙම වැඩසටහන සඳහා සම්බන්ධ වේ. මේ වන විට අනුරාධපුරය පොලොන්නරුව රත්නපුරය කෑගල්ල මාතලේ මහනුවර මොණරාගල බදුල්ල නුවරඑළිය හා පුත්තලම යන දිස්ත්‍රික්කවල මෙම වැඩසටහන සාර්ථකව අවසන් කර තිබේ. මේ වන විට තොරතුරු තාක්ෂණ ශිෂ්‍ය සමාජ ස්ථාපිත කර නොමැති පාසල්වල එම සමාජ ස්ථාපිත කිරීමටද මෙහිදී පියවර ගනු ලැබේ.
(රජයේ ප්‍රවෘත්ති දෙපාර්තමේන්තුව)
දින පොත
-
තෙත් බිම්දින තරගාවලිය - 2025 අයදුම් කරන්න
වැඩි විස්තර සඳහා විජය ළමා පුවත්පත කියවන්න
වනජීවී හා වනසම්පත් සංරක්ෂණ අමාත්‍යාංශය
වනජීවී සංරක්ෂණ දෙපාර්තමේන්තුව
2025 පෙබරවාරි 2 ලෝක තෙත් බිම් දිනය සැමරීම නිමිත්තෙන්
අධ්‍යාපන අමාත්‍යාංශයේ සහභාගීත්වය සහිතව
වනජීවී සංරක්ෂණ දෙපාර්තමේන්තුව හා මධ්‍යම පරිසර අධිකාරිය ඒකාබද්ධව
විජය පුවත්පත් සමාගමෙහි මාධ්‍ය අනුග්‍රාහකත්වයෙන් දීප ව්‍යාප්තව පවත්වනු ලබන
තෙත් බිම්දින තරගාවලිය - 2025
ලෝකයේ ජෛව විද්‍යාත්මක හාපරිසර විද්‍යාත්මක මෙන් ම ආර්ථික වශයෙන් ද ඉතා වැදගත් ලෙස සැලකෙන තෙත්බිම් පරිසරය ආරක්ෂා කර ගැනීමෙහි ලා ශ්‍රී ලංකාවද පාර්ශ්ව කරුවෙකු වේ Read more...
-
diary Read more...