සීගිරියේ ඇති පරණවිතාන ශූරීන්ගේ නිවස සංචාරක නිකේතනයක් වෙයි

හිටපු පුරාවිද්‍යා අධ්‍යක්ෂ ජනරාල් මහාචාර්ය සෙනරත් පරණවිතාන ශූරීන්  සීගිරිය ගවේෂණය කිරීම සඳහා නැවතී සිටි බව පැවසෙන ඉපැරණි නවාතැන්පොළ සංචාරක නිකේතනයක් ලෙස නම්කර දෙස් විදෙස් සංචාරකයන්ට පහසුකම් පසයන මධ්‍යස්ථානයක් බවට පත් කිරීමට පුරාවිද්‍යා දෙපාර්තමේන්තුව පියවර ගෙන තිබේ. වසර 25කට පමණ වැඩි කාලයක් පරණවිතාරණ ශූරීන්  වසර ගණනාවක් රැඳී සිටී ඉපැරණි නිවාසයේ කාමරවල මෙන්ම ඔහු  භාවිත කළ ඇඳ, පුටු, මේස, ආදී භාණ්ඩ ද  සංචාරකයෙකුට පරිහරණය කිරීමේ අවස්ථාව ද පුරාවිද්‍යා දෙපාර්තමේන්තුව මගින් අවකාශ ලබාදී තිබෙන අතර අතර තවත් භාණ්ඩ රැසක් කෞතුකාගාරයේ ද තැනපත් කර තිබේ. සීගිරි පව්ව ඉදිරිපිට පොල් අතුවලින් සෙවිලි කරන ලද කටුමැටි ගැසූ සංචාරක නිකේතනය පරණවිතාරණ ශූරීන් රැඳී සිට ඇත. ‍කොළඹ පුරාවිද්‍යා ප්‍රධාන කාර්යාලයෙන් ඕනෑම දෙස් විදෙස් සංචාරකයකුට මෙම නිවාඩු නිකේතනය මුදල් ගෙවා වෙන් කිරීමට අවශ්‍ය පහසුකම් සැලසීමට පියවර ගෙන තිබේ.  සීගිරිය  නැරඹීම සඳහා මධ්‍යම සංස්කෘතික අරමුදල මගින් එක් විදේශිකයෙකුගෙන් රුපියල් 5,000ක මුදලක් අයකෙරේ. සෙනරත් පරණවිතාන ශූරීන් නවාතැන්ගෙන සිටි ඉපැරණි නිවසේ කාමරයක රැඳී සිටීම සඳහා රුපියල් 400ක පමණ ආසන්න මුදලක්  දිනකට ලබාගැනීමට පුරාවිද්‍යා දෙපාර්තමේන්තුව තීරණය කර ඇත.

මූලාශ්‍ර ලංකාදීප