පරිසර සංකල්පය ප්‍රචලිත කරන්න පාසල් සිසු පාපැදි සවාරියක්

ලෝක පරිසර සංවිධානයේ සංකල්පයක් මත, පරිසරය සුරැකීම ජනතාව තුළ ප්‍රචලිත කිරීම වෙනුවෙන් ලොව පුරාම පැවැත් වූ පාපැදි සවාරියට සමගාමීව ශ්‍රී ලංකාව තුළ සංවිධානය කළ පාසල් සිසු සිසුවියන් එක් වූ පාරිසරික පාපැදි සවාරිය කොළඹ විහාරමහා දේවි උද්‍යානය අසලින් ඊයේ (11) ආරම්භ විය. දකුණු අප්‍රිකානු මහ කොමසාරිස් රෝබිනා මාක්ස් මහත්මිය ගේ සහ කොළඹ  ළමා පොත් සංගමයේ සභාපති ආචාර්ය  ධර්මදේශ අම්බලන්පිටිය මහතාගේ ප්‍රධානත්වයෙන් පැවැත්විණ. කොළඹ රත්නාවලි බාලිකා විද්‍යාලය, නාරහේන්පිට සුජාතා බාලිකා විද්‍යාලයීය ශිෂ්‍යාවන් පිරිසක් මෙම අවස්ථාවට සහභාගී වූහ. කොළඹ ළමා පොත් සංගමය උත්සවය සංවිධානය කළහ.

ඡායාරූප - රුෂිරු තරංග