පාසල් දරුවන්ගෙන් 50%ට දන්ත ගැටලු

පාසල් දරුවන්ගෙන් 50% කට ආසන්න සංඛ්‍යාවකට දන්ත ගැටලු ඇතිවී තිබෙන බවට සෞඛ්‍ය අමාත්‍යාංශය විසින් සිදුකළ පර්යේෂණයකදී හෙළි වී තිබේ.
මෙහිදී වයස අවුරුදු 05-08 ත් අතර දරුවන්ගෙන් 60෴කට ආසන්න ප්‍රමාණයකට දත් දිරායාමේ රෝගය පවතින බවට සොයාගෙන ඇත. වයස අවුරුදු 8-14 ත් අතර වයසැති දරුවන් 40%ක් පමණ දත් දිරායාමේ රෝගයට ගොදුරු වී ඇති බවද අදාළ පර්යේෂණයේදී තහවුරු වී තිබේ.

මීට අමතරව වයස අවුරුදු 15-18ත් අතර වයස් කාණ්ඩයේ ශිෂ්‍ය ශිෂ්‍යාවන්ගෙන් සැලකිය යුතු පිරිසක් දත් දිරායාම හා විදුරුමස් රෝගවලට ලක්ව තිබෙන බවටත් හෙළිවී තිබෙන බව සෞඛ්‍ය අමාත්‍යාංශය සඳහන් කරයි.

මෙම තත්ත්වය සැලකිල්ලට ගෙන පාසල් දන්ත සායන මධ්‍යස්ථාන 536ක ප්‍රමාණය වැඩිදියුණු කිරීමට සෞඛ්‍ය අමාත්‍යාංශය සැලසුම් කර තිබෙන අතර, ඒ යටතේ මුලින් මධ්‍යස්ථාන 306ක් අලුත්වැඩියා කිරීමටත් සෞඛ්‍ය අමාත්‍යාංශය සැලසුම් කර තිබේ.පාසල් දන්ත සායන මධ්‍යස්ථාන 76ක් සංවර්ධනය කිරීම සඳහා මේ වනවිට රුපියල් මිලියන 250ක මුදලක්ද වෙන් කිරීමට සෞඛ්‍ය අමාත්‍යාංශය කටයුතු කර ඇත. ada.lk