පොදු ප්‍රවාහනයේදී හා ජනතාව ගැවසෙන ස්ථානවලදී මුඛ ආවරණය අවශ්‍යයයි

පොදු ප්‍රවාහනයේදී හා ජනතාව ගැවසෙන

ස්ථානවලදී මුඛ ආවරණය අවශ්‍යයයි

තමන්ගේ වාහනයක ගමන් කරන විට මුඛ ආවරණ අවශ්‍ය නෑ

සෞඛ්‍ය අමාත්‍යාංශය

තමන්ගේ වාහනයක ගමන් කරන විට මුඛ ආවරණ අවශ්‍ය නොවන බවත්, එහෙත් පොදු ප්‍රවාහන සේවයේදී හා මහජනතාව ගැවසෙන ස්ථානවලදී මුඛ ආවරණ අවශ්‍ය බවත්සෞඛ්‍ය අමාත්‍යාංශය සඳහන් කරයි.

කාර්යාල තුළ දුරස්ථ භාවය පවත්වාගෙන ආයතන ප්‍රධානීන්ට සේවකයන් ගෙන්වීමට හැකියාව තිබෙන බවත්, රැස්වීම් පැවැත්වීමේදී හා සේවකයන් එකට එකතුවීමේදී මුඛ ආවරණ පැලඳිය යුතු බවත් සෞඛ්‍ය සේවා නියෝජ්‍ය අධ්‍යක්ෂක ජනරාල් විශේෂඥ වෛද්‍ය පබා පලිහවඩන මහත්මිය සඳහන් කළාය.

නාවික හමුදා කෝවිඩ් - 19 පොකුර පාලනය වී තිබෙන බවත්, මේ වනවිට බාහිර සමාජයෙන් කෝවිඩ් - 19 රෝගීන් හමුනොවන බවත් ඇය මෙහිදී ප්‍රකාශ කළාය.

කාර්යාලවලට සේවකයන් කැඳවීමේදී 50 සීමාවක් තිබුණද, දුරස්ථ භාවය රැක ගනිමින් ආයතන ප්‍රධානීන්ට රාජකාරි කටයුතු සඳහා සේවකයන් කැඳවීමට හැකියාව තිබෙන බවද පවසා සිටියාය.(WMDJBM)