මිරිස්ස තල්මසුන් නැරඹීමේ බෝට්ටු සේවාව විධිමත් කිරීමට අවධානය

මිරිස්ස ප්‍රදේශයේ තල්මසුන් නැරඹීමට පැමිණෙන සංචාරකයන් ප්‍රවාහනය කරන බෝට්ටු සේවාව විධිමත් කිරීමට වරාය, නාවික කටයුතු සහ දක්ෂිණ සංවර්ධන අමාත්‍යවරයාගේ අවධානය යොමු වී තිබේ.

මේ අනුව බෝට්ටු සේවා සපයන්නන්ට ප්‍ර‘වේශපත්‍රයක් නිකුත් කිරීමට හා ගමන්වාර සකස් කිරීමට අදාළ කටයුත්ත රජය විසින් අධීක්ෂණය කිරීමටද තීරණය කර ඇත.

මීට අමතරව මේ වසරේ ඉදිරි මාස 05ක කාලය තුළදී බෝට්ටු සේවාව විධිමත් කිරීම සඳහා තත්ත්ව සහතිකයක් ලබාදීමටද අමාත්‍යවරයා විසින් යෝජනාවක් ඉදිරිපත් කර තිබේ.

වනජීවී දෙපාර්තමේන්තුව විසින් හඳුන්වා දී ඇති තල්මසුන් නැරඹීමේදී ක්‍රියාත්මක කළයුතු රෙගුලාසි පටිපාටිය මේ මාසයේ සිට මිරිස්ස ප්‍ර‘දේශයේ ක්‍රියාත්මක කිරීමටද අමාත්‍යවරයා තීරණය කර ඇත.

අදාළ රෙගුලාසි 2012 වසරේ හඳුන්වාදී තිබෙන අතර, එය මේවනවිට කල්පිටිය සහ හික්කඩුව ප්‍ර‘දේශවල ක්‍රියාත්මක කෙරේ.