රත්නපුර ෆර්ගසන් උසස් විද්‍යාලය  සියවසට සැරසෙයි

2017 වසරේ ජනවාරි මස එළඹිමට නියමිත වසර සියයක් වූ සිය අභිමානවත් සැමරුමට සූදානමින් රත්නපුර ෆර්ගසන් උසස් විද්‍යලය අලංකාරවත් පා ගමනක් සූදානම් කළේය.

සැම අංශයක්ම නියෝජනය කරන අති දක්ෂ සිසුවියන් පිරිසක් සිටින බාලිකා අංශය සහ  විද්‍යාලයේ ප්‍රාතමික අංශයේ බාලකයින් ද මේ සඳහා එක්කරගෙන තිබුණි.

ලැබූ ජයග්‍රහණ සනිටුහන් කරමින් ඒ ඒ අංශයේ සිසුවියන් පා ගමනින් ගමන් කළ අතර ක්‍රීඩා අංශයේ   ධාවන හා දුර පැනීමෙන්   පලාත් සහ සමස්ත ලංකා විද්‍යාලයට සුවිශේෂි ජයග්‍රහණ එක්කළ සංදිපා දෙවිමිණි සහ සිතාරා හේමමාලි කුරුප්පු යන සිසු දියණියන් අශ්වයින් පිට නංවා ගෞරවණියව පෙරහැරේ රැගෙන යාමට මෙහිදි කටයුතු කර තිබුණි.

සිසුන් 4400 ක් පමණ මෙම පා ගමනට එක්වූ අතර ගුරු මහත්ම මහත්මීන් 190 ක් පමණ  මේ සඳහා එක්ව සිටියේය.

විදුහල්පතිනි මර්සි ගලගම මහත්මියගේ උපදෙස් පරිදි  ආදි සිසුහු  මේ සදහා මූලිකත්වයක් ගෙන කටයුතු කළහ.

(විශ්ව ගැමුණු ප්‍රියංකර)