අන්තර්ජාලය සහ විද්‍යුත් මාධ්‍යය බොහෝ වේලාවක් පරිහරණය කිරීමෙන් මොළයට හානි සිදුවිය හැකි බව කොළඹ රිජ්වේ ආර්යා ළමා රෝහලේ මනෝ වෛද්‍ය විශේෂඥ වෛද්‍ය අපේක්ෂා හේවාගීගන මහත්මිය සඳහන් කරයි. අන්තර්ජාලය සහ විද්‍යුත් මාධ්‍යයට ඇබ්බැහිවූ විට කායික, මානසික ගැටලූ ඇතිවීමේ අවදානම බොහෝ සෙයින් වැඩිවිය හැකි බවත් ඇය සඳහන් කළාය. තරුණ පරපුර විශාල වශයෙන් අන්තර්ජාලයට ඇබ්බැහි වී ඇති බව පෙන්වා දුන් වෛද්‍යවරිය පොතක් කියවීමෙන් කිසිවිටකත් මොළයට හානියක් සිදු නොවන බවත් පැවැසුවාය.