සිංහරාජ වනයේ පාරවල් කපන්නේ නෑ

සිංහරාජ වනාන්තරය අභ්‍යන්තරයෙන් මාර්ගයක් ඉදිකරන බවට පළවූ තොරතුරු සම්පූර්ණයෙන් අසත්‍ය බව මහවැලි සංවර්ධන සහ පරිසර නියෝජ්‍ය අමාත්‍ය අජිත් මාන්නම්පෙරුම මහතා පැවසීය.

ලෝක උරුම සිංහරාජ වනාන්තරයට කිලෝමීටර් එකහමාරක් බාහිරින් පිහිටි රක්‍ෂිත ප්‍රදේශයේ ඇති වසර පනහක් පැරණි මාර්ගයක් ප්‍රතිසංස්කරණය කරන බවත්, එහිදී ලෝක උරුම සිංහරාජයේ ජෛව විවිධත්වයට කිසිදු හානියක් නොවන බවට සහතික වන බවත් හෙතෙම පවසා සිටියේය.

ලෝක උරුම සිංහරාජ වනාන්තරය හරහා මාර්ගයක් ඉදිකරමින් හා එහි ජෛවවිවිධත්වයට හානි කරමින් සංවර්ධන ව්‍යාපෘතියක් ක්‍රියාත්මක කරන බවට පසුගිය දිනවල මධ්‍ය හරහා පළවූ පුවත් සම්බන්ධයෙන් පැහැදිලි කිරීමට සිංහරාජ ප්‍රවේශපත්‍ර අලෙවි කාර්යාලයීය ශ්‍රවණාගාරයේදී  ඊයේ (15දා) පැවැති මාධ්‍ය හමුවකදී නියෝජ්‍ය අමාත්‍යවරයා මේ බව සඳහන් කළේය.‍ෙ