අසිරිමත් බුදු සිරිත

ලුම්බිණි උයනෙ නෙක සල් කුසුමන්     පිපුණේ
මහමායා බිසව් සිත ඒ මල් වෙත     ඇදුණේ
දෙව් බඹු මිනිස් තුන් ලෝ තල එළිය     වුණේ
තුන් ලෝ සනහනා බෝසත් උපත    වුණේ

නේරංජනා නදියට පුන්සඳ     එබුණේ
වෙසඟේ සඳ රුසින් මුළු ලෝ එකලු     වුණේ
ඇසතු රැකෙහි බෝ පත් සිලි නද     දුන්නේ
සියලුම කෙලෙස් නසමින් බුදු බව     ලැබුවේ

බුදු හිමි ප්‍රථම දම් දෙසුමට     සිතමින්නේ
පස්වග තවුසනුත් සොයමින් වැඩම     කළේ
ඇසළ සඳින් නැහැවුණු ඉසපතන     වනේ
දම්සක් දේශනාවේ හඬ පිළිරුව්     දුන්නේ

හතළිස් පස්වසක මෙහෙවර නිමා     වුණේ
කුසිනාරා නුවර වෙත හිමි වැඩම     කළේ
අකලට පිපුණු සල් මල් හිමි පා     පිදුවේ
උතුම් වෙසඟදින පිරිනිවනට     වැඩියේ

කවීෂා සෙව්මිණි තිලකරත්න
9 ශ්‍රේණිය,
ර/ඇහැලියගොඩ මධ්‍ය මහා විද්‍යාලය,
ඇහැලියගොඩ.