කටු පඳුර

කොළ වර්ණ පත්වලින් වැසීගොස් කටු පඳුර
ළා රෝස පැහැය ගත් මල් කැකුළ වඩාගෙන
සෙමින් ඇස් ඇර බලා විකසිතව පෙති දරා
සිනාසෙන රෝසමල  අගයාවි නෙත් රුසක්
හිමිදිරියෙ පිනි බින්දු රෝස පෙතිමත දිලේ
හිරැගෙ මුදු රුස් දහර පිනි කැටේ මුතු මවයි
සිනාසෙන රෝස මල නෙතු පුරා විඳගම්න
නිතර ගැවසුණ පිරිස් වර්ණනා බස් සමග
ටික දිනක් යයි ගෙවී දුෂ්කරය රුඳෙන්නට
සෙමින් තම නෙතු පියා මුකුලිතව පෙති සලයි
රෝස මල නොමැත දැන් සිනාසෙන්නට යළිත්
කටු පඳුර තනිකමින් කල් ගෙවයි යළි වරක්

කාවින්දි අනුත්තරා
12 ශ්‍රේණිය,
අම්/රජගලතැන්න මහා විද්‍යාලය,
අම්පාර.