දන්සෙන් නිරිඳු පණිවුඩය

තන්හා ගින්න දවනා කස්සප     පුතුනේ
කවදා පැමිණ වැව් දිය දෙස     බලමින්නේ
සැලෙනා වැව් දියේ ඒ රැළි     අතරින්නේ
පියරජු පැමිණ යළි දවසක     අමතන්නේ

උදයට පිපුණු සුන්දර පියුමන්     සොඳුරැ
බුදුහිමි බලා සතුටින් හිනැහෙන     අයුරැ
ඒ රොන් ගනු පිණිස පැමිණෙන මෙහි     බඹරැ
සවසට නොඑති පරවෙති බැලුමට     කවුරැ

නුඹ සිත දවන තණ්හාවේ ඒ     ගින්න
අමදියවලින් සදහට නිවිලා     යන්න
මෙත් සියපතට සැදැහැති පැන් ඉස     රුගෙන
පුදපන් සිරි පතුල් අවුකන බුදු     සෙඳින

උදානි ආශිංසනා හේරත්
10 ශ්‍රේණිය,
බප/පිළි/ බෞද්ධ බාලිකා විද්‍යාලය,
ගල්කිස්ස.