මගේ තාත්තා

සුදොවුන් නිරිඳුවන් ඔබෙ ගුණ     ගීය
නිරිඳුට තරම් සැප පහසුව නැති     වීය
ලිවුවේ නැතත් ඔබ ගැන නෙක කවි     ගීත
දරැවන් සුරකිනා පියවරැ  ඔබ     සේ ය

විඩා ගතට සුවබර නිදි     කොයින්දෝ
කුඩා කැදැල්ලට රස පල     ගෙනෙන්දෝ
වඩා රකින මිනිසකු ලොව     සිටීදෝ
පියා තරම් දෙවියකු වෙන     කොයින්දෝ

දෑතේ කරගැට රිදුණද     පියාණනි
වේදනා උසුලමින් සිටිය ද     පියාණනි
අපට නොකීවට ඔබ දුක     පියාණනි
උපදින හැම භවයෙ ම මගෙ     පියාණනි

මධුෂානි සෙනෙවිරත්න
10 ශ්‍රේණිය, 
හැරමිටිගල ශ්‍රී ධීරානන්ද විද්‍යාලය,
පිළිමතලාව.