මල් වෙළෙන්දීය

වනගැබ අසල ඇති සුන්දර නෙළුම් විලේ
කැකුළු පියුම් ඈ දැක සොම්නසින් ලෙළේ
බුදු පුදයට යන පිවිතුරැ මල් කැකුළේ
ඇගෙ දුක් කඳුළ වෙත පිහිටක් පතනු මලේ

බුදු පුදයට ඒ මල් යාමට කලියෙන්
පැන් ඉස දොවා පිරිසුදු කරනා සැටියෙන්
රා දොස් සිතට අමදිය ඉස කුසල් සිතින්
එගොඩට යන්න තරණය කර සසර විලෙන්

මඩ දිය මතින් සිටිනා ඒ නෙළුම් පත
සමහර දිනට වැහි බිඳු හෙම වැටෙනු ඇත
එනමුත් මුළුමනින් ඒ බිඳු හැර නොයත
එලෙසින් මැකී යනු මැන නුඹ කඳුළු නෙත

උදානි ආශිංසනා හේරත්
10ශ්‍රේණිය,
බප/පිළි/ බෞද්ධ බාලිකා විද්‍යාලය, ගල්කිස්ස.