වැස්සක අසිරිය

වැහිලිහිණින් රූන් රූන් පියඹා     යනවා
වැහි වලාව සෙමෙන් සෙමෙන් අහස     වහනවා
මහ සුළඟට ගස්වල අතු ඇඹරී     යනවා
මහ වැස්සක පෙර නිමිත්ත අපට     කියනවා

රන් පාටින් අහස පුරා විදුලි     කොටනවා
පරිසරයම බියකරැ කර අකුණු     හඬනවා
බිංදු බිංදු මහ පොළොවට වතුර     වැටෙනවා
මොර සූරන වැස්සක් අත ළඟයි     කියනවා

හෝ ගාමින් දිය දහරා ගලා     හැලෙනවා
පුංචි ළමයි කඩදහි ඔරැ පා කර     යනවා
වතුර පිරී වෙල්යායම මුහුදක්     වෙනවා
පුංචි අපට ඒ වතුරේ නටන්න     හිතෙනවා

අයෝධ්‍යා කුමාරි
8 ශ්‍රේණිය,
කුලි/සාරානාත් මහා විද්‍යාලය,
කුලියාපිටිය.