කඩවත ශාසනවංශ දහම් සිසුන්ගේ බැති ගී ප්‍රසංගයක්

මෙවර ඇසළ පුරපසළොස්වක පොහොය නිමිත්තෙන් කඩවත පුවක්වැටිය ශ්‍රී සුනේත්‍රාරාම මූල මහා විහාරස්ථානයට අයත් ශාසනවංශ දහම් පාසලේ දහම් අධ්‍යාපනය ලබන ශිෂ්‍ය ශිෂ්‍යාවන් විසින් භක්ති ගී ප්‍රසංගයක් ඉදිරිපත් කරන ලදී.
කඩවත පුවක්වැටිය ශ්‍රී සුනේත්‍රාරාම මූල මහා විහාරස්ථානයේ විහාරාධිපති හා ශාසනවංශ දහම් පාසලේ ප්‍රධානාචාර්ය කඩවත රතනවංශ නායක හිමිපාණන් වහන්සේගේ අවවාද අනුශාසනා ඇතිව පවත්වන ලද මෙම ඇසළ භක්ති ගීත ගායනයට සහභාගි වූ එම ධර්ම විද්‍යාලයේ 6,7,8 යන ශ්‍රේණිවල ඉගෙනුම ලබන ශිෂ්‍ය ශිෂ්‍යාවන් විසින් භක්ති ගීත ගායනා කළ අයුරැ මෙම ඡායාරෑපවලින් දැක්වේ.
මෙම අවස්ථාවට ප්‍රවීණ ගායිකා විශාරද රංජනී පෙරේරා, ප්‍රවීණ ටෙලිනාට්‍ය රංගන ශිල්පී අනුර ශ්‍රීනාත් හෙට්ටිආරච්චි සහ මහර ප්‍රාදේශීය සභාවේ සභාපතිනි සුදීමා චාන්දනී යන මහත්ම මහත්මීහු ඇතුළු විශාල පිරිසක් සහභාගි වූහ. පුවක්වැටිය ශ්‍රී සුනේත්‍රාරාම විහාරයේ විහාරාධිකාරී පුජ්‍ය බියන්විල අමිතවංශ හිමි ගුරැ මණ්ඩලය ඇතුළු මවුපියෝ මෙම බැති ගී ප්‍රසංගය සංවිධානය කළහ.

(වැලිවේරිය - තිලක් නිමලසූරිය)