කුරැණෑගල මලියදේව බාලිකාවේ ලක්නා සංගීත් ප්‍රවීන් සම්මානය දිනයි

2017 සමස්ත ලංකා පාසල් සංගීත තරගාවලියේ විවෘත අංශයේ ඒකල එස්රාජ් වාදන තරගයෙන් සංගීත් ප්‍රවීන් සම්මානයද සමග ප්‍රථම ස්ථානය හිමි කර ගැනීමට කුරැණෑගල මලියදේව බාලිකා විද්‍යාලයේ 12 ශ්‍රේණිය කලා අංශයේ අධ්‍යාපනය ලබන ඊ.එම්. ලක්නා නෙත්මිණි ඒකනායක සිසුවිය සමත්වූවාය.
මීපේ සෞන්දර්ය නායකත්ව පුහුණු මධ්‍යස්ථානයේදී එම සම්මාන උලෙළ පැවැත්වුණි. 2015 වසරේදීද ඇය සංගීත් ප්‍රවීන් සම්මානය හිමිකර ගැනීමට සමත් වූවාය. ඒ විවෘත අංශයේ ඒකළ රාගධාරි දිල්රැබා වාදන තරගයේ සමස්ත ලංකා ප්‍රථම ස්ථානය දිනා ගනිමිනි. මෙම තරගාවලියේ විශිෂ්ට කුසලතා දක්වමින් සමස්ත ලංකා ප්‍රථම ස්ථාන හිමි කර ගන්නා සිසු සිසුවියන් සඳහා සංගීත් ප්‍රවීන් සම්මානය ප්‍රදානය කෙරේ.
 ලක්නා නෙත්මිණි මේ වන විට මෙම තරගාවලියේ ප්‍රථම ස්ථාන තුනක් හිමි කර ගෙනඇති අතර ඇය 10 වසරේදී ඉන්දියාවේ භාත්කණ්ඩ විශ්ව විද්‍යාලයට අනුබද්ධව එස්රාජ් වාද්‍ය විශාරද උපාධියද සම්පූර්ණ කර තිබේ.
විද්‍යාලයේ සංගීත ආචාරිනී චන්ද්‍රලතා ගිංතොට, විදුහල්පතිනි සෝමා රත්නායක මහත්මීන් මෙන්ම විශාරද මදුසංක විජේකෝන්, විශාරද නිශාද් හඳුන්පතිරණ, සංගීත ආචාර්ය සරත් ජයසිංහ යන මහත්වරැන්ද මෙම ජයග්‍රහණ හිමි කර ගැනීමේදී ලබා දුන් දායකත්වය අගය කරන බව ලක්නා නෙත්මිණි සඳහන් කරයි.
 (යාපහුව  සුනිල් කහගල්ල)