තලාව විදුහලේ සත්බුදු වන්දනා පිංකමක්

තංගල්ල අධ්‍යාපන කලාපයට අයත් තලාව නවෝද්‍යා පාසලේ ගුරැවරැ  හා සිසු සිසුවියෝ එකමුතුවෙන් සිදුකරන ලද සත්බුදු වන්දනාව වැඩසටහන එම විද්‍යාලයේදී පැවැත්වුණි.

අගුණුකොළපැලැස්ස ශාසනාරක්ෂක බල මණ්ඩලයේ ලේඛකාධිකාරී තලාව නවෝද්‍යා පාසලේ ආචාර්ය තලාව ශී‍්‍ර බෝධිමාලකාරාමාධිපති පූජ්‍ය කාරියමඩිත්තේ සෝමරතන හිමිපාණන්ගේ සහභාගිත්වයෙන් විදුහල්පති ශි‍්‍රයාලාල් පේ‍්‍රමානන්ද මහතාගේ මග පෙන්වීම මත එස්.ඒ කමනි ගුරැමහත්මිය මෙම වැඩසටහන සංවිධානය කළාය.

මෙවර අ.පො.ස. සා/පෙළ විභාගයට පෙනී සිටින සියලු සිසු සිසුවියන්ට ආශිර්වාද කර සෙත් පැතීමත්, සියලු රට වැසියන්ටත්,ජනතාවටත් සෙත් පතා ආශිර්වාද කිරීමක් මෙහිදී සිදු කෙරිණි.

මෙහිදී ලේකාධිකාරී සෝමරතන හිමිපාණෝ අනුශාසනාව සිදු කළහ. සෙවනගල මංගල හිම්පාණෝ ආශිර්වාද පූජාව සිදුකළහ.

(මිද්දෙනිය විශේෂ - පී.පී.ඒ. කුමාරදාස)