ප්‍රබුද්ධ පාඨක සම්මානය තරගයෙන් මොරේතොට විදුහලට රන් පදක්කම් හයක්

අධ්‍යාපන අමාත්‍යාංශයේ මෙහෙයවීමෙන් පැවැති ප්‍රබුද්ධ පාඨක සම්මානය- 2016 කියවීමේ තරගයෙන් රන් පදක්කම් 06 ක් දිනාගැනීමට හාලිඇල, බ/මොරේතොට විදුහලේ සිසු සිසුවියෝ සමත්ව සිටිති.
පුස්තකාලය මැනවින් පරිහරණය කිරීම හා කියවීමේ උනන්දුව මූලික නිර්නායක කරගනිමින් පවත්වන ලද මෙම තරගයෙන් රන් පදක්කම් හිමි කරගෙන ඇත්තේ බ/ මොරේතොට විදුහලේ ආර්.එම්.ජේ.සමන්ත, ටී.එම්.සෂිකා වත්සලා, එස්.ගීතාංජලී, ඩී.එම්.ප්‍රභාෂ්වර දිල්ෂාන්, ආර්.එම්.හෂාන් රත්නායක සහ ඩබ්.බී.එම්.ශෂිනි ලක්මාලි යන සිසු සිසුවියන්ය.
බ/මොරේතොට විදුහලේ විදුහල්පතිනි ජේ.පී.එස්.පතිරණ මහත්මියගේ උපදෙස් අනුව විද්‍යාලයීය පුස්තකාල භාර ආචාර්ය මහත්මියගේ මග පෙන්වීම මත ඔවුහු මෙම තරගයට ඉදිරිපත් වූහ. 
(හාලිඇල- විජේරත්න රත්නායක)