වැල්ලවත්ත ශාන්ත ක්ලෙයා බාලිකාවට නව ශිෂ්‍යනායිකාවෝ පත්වෙති

වැල්ලවත්ත ශාන්ත ක්ලේයා බාලිකා විද්‍යාලයේ වාර්ෂික ශිෂ්‍යනායිකා නිල ලාංඡන පැලඳවීමේ උත්සවය විද්‍යාලයීය ප්‍රධාන ශාලාවේ දී පසුගියදා පැවැත්වුණි.
මෙම අවස්ථාවට කොළඹ කලාපයේ නියෝජ්‍ය අධ්‍යක්ෂ (අධ්‍යාපන සංවර්ධන අංශයේ) මාලනී බණ්ඩාරනායක, කොළඹ විශ්වවිද්‍යාලයේ කළමනාකරණ හා මූල්‍ය පීඨයේ ජ්‍යෙෂ්ඨ මහාචාර්ය එච්.බී.කරැණාරත්න, විදුහල්පතිනී එම්.ඩී. ධම්මිකා විජිතානි, දකුණු කොළඹ විද්‍යාලවල විදුහල්පතිවරැන් ඇතුළු මහත්ම මහත්මීහු රුසක් සහභාගී වූහ.
මෙවර ශිෂ්‍ය නායිකාවෝ 41 දෙනෙක් නිල ලාංඡන පැලඳියහ. ප්‍රධාන ශිෂ්‍යනායිකාව ලෙස එස්.කේ.විනෝදනී, උපප්‍රධාන ශිෂ්‍යනායිකාව ලෙස දීප්තිකා ක්‍රිෂ්ණමූර්තී, ක්‍රීඩා නායිකාව ලෙස යුෂ්රා සෙම් සෙම් යන ශිෂ්‍යාවෝ තේරී පත්වූහ.

(රැෂිරැ තරංග)