බිංගිරිය ශ්‍රී සරණංකර විදුහල් ක්‍රීඩා උලෙළේ ජය අරැණ නිවාසයට

බිංගිරිය ශ්‍රී සරණංකර ජාතික පාසලේ වාර්ෂික නිවාසාන්තර ක්‍රීඩා තරගයේ දී වරැණ හා කිරණ නිවාස අභිබවමින් ලකුණු 736 ක් ලබාගත් &අරැණ නිවාසය* මෙවර ශුරතාව හිමි කර ගැනීමට සමත් විය.
විදුහල්පති අජිත් චන්ද්‍රකුමාර මහතාගේ ආරාධනයෙන් 306 බී 2 දිස්ත්‍රික් සිංහ සමාජයේ පරිසර කමිටු සභාපති සිංහ, ඉන්ද්‍ර කෞශල්‍ය රාජපක්ෂ හා සිංහ ජෙරාඩ් කල්දේරා මහත්වරැ විශේෂ ආරාධිතයෝ ලෙස ක්‍රීඩා උලෙළට සහභාගි වූහ.
මෙම ක්‍රීඩා උලෙළේ සියලු සැරසිලි පොලිතීන් භාවිතයෙන් තොරව සිදුකර තැබීම ආරාධිතයන් ගේ විශේෂ පැසසුමට ලක්වුණි.
මෙම තරගාවලියේ හොඳම නිවාස කුටිය ලෙසින් අරැණ නිවාසයේ කෝපි කඩය තෝරා ගැණුනි.
(බිංගිරිය නන්ද එස්. ඒකනායක)