බීජිං 2022 ඔලිම්පික් කමිටුව කොවිඩ් හැසිරවීමට සූදානම්

2022 ශීත ඍතු ඔලිම්පික් සහ පැරාලිම්පික් ක්‍රීඩා උළෙල කොවිඩ්-19 වසංගතය හසුරුවමින් මනාව පැවැත්වීමට කටයුතු කරන බව චීනයේ බීජිං හි සංවිධායක කමිටුව (BOC) ප්‍රකාශ කරයි.

“අපට කොවිඩ්-19 අවදානමක් දැන් නැහැ. නමුත් අපි සම්පූර්ණයෙන්ම ඒ සඳහා සූදානම්,” බීජිං 2022 සංවිධායක කමිටුවේ වසංගත වැළැක්වීමේ සහ පාලන කාර්යාලයේ නියෝජ්‍ය අධ්‍යක්ෂ ජනරාල්වරයා පැවසීය.

"අපට ඉලක්ක හතරක් තිබෙනවා. පළමුව, බීජිං 2022 හිදී විදේශීය සහභාගිවන්නන්ගේ දැවැන්ත රැස්වීමක් සංවිධානය වන්නේ නැහැ. දෙවනුව, අකාර්යක්ෂම කොවිඩ්-19 වැළැක්වීම හේතුවෙන් වසංගතය පැතිරීම හෝ ශීත ඍතු ක්‍රීඩාවලට බාධා කිරීම් නොමැති වීමයි. තෙවනුව, සංවෘත බබල් බිඳ දැමීමක් හෝ බබල් තුළ වසංගතයක් හේතුවෙන් දේශීය රෝග පැතිරීම් වැළැක්වීමයි, සිව්වනුව, ආහාර විෂ වීම වැනි වෙනත් මහජන සෞඛ්‍ය සිදුවීමක් නොවීමට වගබලා ගැනීමයි." හෙතෙම වැඩිදුරටත් පැවසීය.

සියලුම චීන ක්‍රීඩක ක්‍රීඩිකාවන් සහ කාර්ය මණ්ඩලය කොවිඩ්-19 බූස්ටර එන්නත් මාත්‍රාවක් ලබා ගැනීමට අවශ්‍ය බවද හෙතෙම සඳහන් කළේය. විදේශීය ක්‍රීඩක ක්‍රීඩිකාවන්ද එසේ කිරීමට දිරිමත් කරන නමුත් එය අනිවාර්ය නොවන බවද ඔහු වැඩිදුරටත් පැවසීය.