අම්බලන්ගොඩ කුලරත්න විද්‍යාලය අපරාජිතව දෙවැනි වටයට

වයස අවුරුදු 13න් පහළ පළමු කාණ්ඩයෙන් තරග වදින අම්බලන්ගොඩ කුලරත්න විද්‍යාලයීය කණ්ඩායම තමන් මුහුන දුන් සියලුම තරග ජයගනිමින් අපරාජිතව දෙවැනි වටයට සුදුසුකම් ලබාගැනීමට පසුගියදා සමත්විය. 

එහිදී කුලරත්න කණ්ඩායම, ධර්මාශෝක විද්‍යාලයීය ලකුණු 79කින්ද, දේවානන්ද විද්‍යාලය ලකුණු 85කින්ද, බෙන්තොට ගාමිණී ජාතික පාසල කඩුලු 5කින්ද, කරන්දෙණිය ජාතික පාසල ඉනිමකින් හා ලකුණු 279කින්ද පරාජයට පත් කළේය.

කුලරත්න විද්‍යාලය වෙනුවෙන් කණ්ඩායමේ නායක රවිෂාන් නෙත්සර තරග 4දී ලකුණු 565ක් රැස්කළ අතර එයට එක් ද්විත්ව ශතකයක් සහ ශතක දෙකක්ද ඇතුළත්ය. එමෙන්ම කඩුලු 28ක් ද රවිෂාන් නෙත්සර දවාගෙන ඇත.