කාසියේ වාසිය බලන්න පිත්ත යොදා ගැනීමට යයි

බිග් බෑෂ් ලීග තරගාවලියේදී කාසියේ වාසිය විමසා බැලීමේ අවස්ථාව සඳහා කාසිය වෙනුවට ක්‍රිකට් පිත්තක් යොදා ගැනීමට සැලසුම් කර තිබේ.

ඒ අනුව කාසියේ වාසිය වෙනුවෙන් යොදා ගන්නා කාසියේදි විමසා බැලෙන ‘හෙඩ්ස්’ හෝ ‘ටෙයිල්ස්’ වෙනුවට පිත්ත හරහා ‘හිල්ස්’  හෝ ‘ෆැලට්ස්’ ලෙස ආමන්ත්‍රණය කිරිමටද මෙහිදී සැලසුම් කර තිබේ.

සාමන්‍යයෙන් ක්‍රිකට් පිත්තක් ඉහළට විසිකළ විට නැවත බිමට පතිත වීමේදී පැතිලි පැත්ත වැටීමට වැඩි ඉඩක් ඇති හෙයින් මේ සඳහා වෙනමම පිතතක් සකස් කිරීමටද බිග් බෑෂ් ලීග තරග සංවිධායකයන්ගෙ අවධානය යොමුව තිබේ.

පළමු වරට මෙම ක්‍රමය දෙසැම්බර් 19 දා බ්‍රිස්බේන් හීට් කණ්ඩායම හා ඇඩිලේඩ් ස්ට්‍රික් කණ්ඩායම අතර තරගයේදි යෙදා ගැනිමට නියමිත අතර ඒ අනුව මුලින්ම බ්‍රිස්බේන් හීට් කණ්ඩායමේ ක්‍රිස් ලීන් පළමු වරට පිත්තෙන් වාසිය උරගා බලනු ඇත.