කුක්ගෙන් වාර්තාවක්

සිය අවසන් අන්තර්ජාතික ටෙස්ට් ඉනිම ශතකයකින් වර්ණවත් කිරීමට එංගලන්ත පිතිකරු ඇලෙස්ටෙයාර් කුක් සමත් විය. ඉන්දියාව සමග පැවත්වෙන පස්වැනි හා අවසන් ටෙස්ට් තරගයේදී මෙම දස්කම දැක්වීමට ඔහු සමත්වූයේ පන්දු 210ක් තුළදීය.

මෙය කුක්ගේ 33 වැනි අන්තර්ජාතික ටෙස්ට් ශතකය ලෙසින් වාර්තා වූ අතර ඔහු ශතකයක් වාර්තා කළේ පසුගිය වසරේ දෙසැම්බර් මාසයෙන් පසුව වීම විශේෂත්වයකි.

කුක් සිය මංගල ටෙස්ට් තරගයේදීත් ශතකයක් වාර්තා කිරීමට සමත්වූ අතර ඒ අනුව මංගල ටෙස්ට් තරගයේදි මෙන්ම අවසන් ටෙස්ට් තරගයේදී ශතකයක් වාර්තා කළ ලොව පස්වැනි ක්‍රීඩකයා ලෙස කුක් වාර්තා අතරටද එක්විය.