චන්දිමාල් දෙවැනි තරගයට සූදානම්

අගෝස්තු 03 දා එස්.එස්.සී. පිටියේදී ආරම්භ වීමට නියමිත ශ්‍රී ලංකා - ඉන්දියා දෙවැනි ටෙස්ට් තරගය සඳහා ශ්‍රී ලංකා කණ්ඩායමේ නායක දිනේෂ් චන්දිමාල් ක්‍රීඩා කරනු ඇතත් දඟ පන්දු යවන ක්‍රිඩක රංගන හේරත්ගේ සහභාගිත්වය තවමත් අවිනිශ්චිතය.

ගාල්ලේ පැවැති  තරය ශ්‍රී ලංකා කණ්ඩායම ලකුණු 304කින් පරාජයට පත්වූ අතර එම තරගය අසනීප තත්ත්ත්වයක් හේතුවෙන් චන්දිමාල්ට අහිමිවිය. නමුත් මේ වන විට ඔහු එයින් සුවය ලබා සිටින අතර ඔහු  පසුගිය දින දෙකේදී පුහුණුවීම් සඳහා එක්විය.

කෙසේ වෙතත් ආබාධයකට ලක්වූ රංගන හේරත්ගේ තත්ත්වය තවමත් පැහැදිලි නොමැත. ගාල්ලේදි ශ්‍රී ලංකා කණ්ඩායමේ නායකයා ලෙස කටයුතු කුළ රංගන හේරත් පන්දුව රැක ගැනීමට උත්සාහ කිරිමේදී වම් අතේ මැද ගිල්ලේ ආබාධයකට ලක්විය.

නිරෝෂා ප්‍රියදර්ශනී