සොට්සෝබේට ක්‍රිකට් තහනම්

දකුණු අප්‍රිකානු හිටපු වේග පන්දු යවන ක්‍රීඩක ලොන්වබේ සොට්සෝබේට ක්‍රිකට් ක්‍රීඩාව හා කිසිඳු ආකාරයක ක්‍රියාවකට එක්වීම තාවකාලිකව තහනම් කිරීමට දකුණු අප්‍රිකානු ක්‍රිකට් ආයතනය කටයුතු කර තිබේ. ඒ සෝට්සෝබේට එරෙහිව දූෂණ චෝදනා එල්ලවීමත් සමගිනි. 2015 වසරේ පැවැති රාම් ස්ලෑම් විස්සයි20 ක්‍රිකට් තගරගාවලියේදී අන්තර්ජාතික ක්‍රිකට් කවුන්සිලයේ දූෂණ විරෝධී ආචාරධර්ම පද්ධතිය කඩ කළ බවට ඔහුට චෝදනා එල්ල වී තිබේ.

ක්‍රිකට් ක්‍රීඩා කිරීම, පුහුණු කිරීම හෝ වෙනත් ආකාරයක කිසිඳු තරගයකට එක්විමට තහනම අනුව සොසෝබේට අවස්ථාව නොලැබෙයි. ටෙස්ට් තරග පහකදී, එක්දින තරග 61කදී හා විස්සයි20 තරග 23කදී දකුණු අප්‍රිකාව නියෝජනය කිරීමට සොට්සෝබේ සමත්විය. 2009 වසරේදී ඔහුගේ ජාත්‍යන්තර ක්‍රීඩා දිවිය ආරම්භ විය. අවසන්වරට ඔහු ජාතික කණ්ඩායම නියෝජනය කර ඇත්තේ 2014 වසරේදී වන අතර පළමු තරගයකට ක්‍රීඩා කර ඇත්තේ 2015 වසරේදීය.

නිරෝෂා ප්‍රියදර්ශනී