ක්‍රීඩාව පිළිබඳ තීරණ ගැනීමට ස්වාධීන කමිටුවක් -ක්‍රීඩා ඇමති

තරඟ සඳහා ක්‍රීඩා කරන ක්‍රීඩ කණ්ඩායම් තේරීමේ සහ ක්‍රීඩ සංගම් සම්බන්ධයෙන් තීරණ ගැනීමේ දී සිය අභිමතය අනුව කටයුතු කිරීමට ක්‍රීඩා ඇමැතිවරයාට හිමි වී තිබෙන බලය ඉවත් කොට එය ක්‍රීඩා උපදේශක මණ්ඩලයක් වෙත පැවරීමට තමා කටයුතු කරන බව පළාත් පාලන පළාත් සභා සහ ක්‍රීඩා අමාත්‍ය ෆයිසර් මුස්තාපා මහතා පවසයි.

මේ සඳහා දැනට තිබෙන ක්‍රීඩා පනත සංශෝධනය කිරීමට පියවර ගන්නා බවත් ක්‍රීඩාව නිර්දේශපාලනය කිරීම,තම අරමුණ බවත් ක්‍රීඩා අමාත්‍යාංශ ශ්‍රවණාගාරයේ අද(4)පැවැති මාධ්‍ය හමුවක දී අමාත්‍යවරයා පැවසීය.

ක්‍රීඩා කටයුතු පිළිබඳ තීරණ ගැනීමට ස්වාධීන කමිටුවකට පැවරීමෙන් ක්‍රීඩා අමාත්‍යවරයාට හා නිලධාරීන්ට චෝදනා එල්ල නොවන බවත් අමත්‍යවරයා කීය.

මෙහිදී තවදුරටත් කරුණු දැක් වූ අමාත්‍යවරයා,මින් ඉදිරියට තරඟ සඳහා ක්‍රීඩකයින් යැවීමේ දී ඔවුන්ගේ උපරිම  දක්ෂතා පරික්ෂා කර බලා පදක්කමක් ලබාගැනීමට හැකි අය පමණක් ඒ සඳහා සහභාගී කරවීමට පියවර ගන්නා  බවත් කීය.