වෙසක් උත්සවය

බෞද්ධයන්ගේ උත්සව අතරින් ප්‍රධානතම උත්සවය වන්නේ වෙසක් උත්සවයයි. වෙසක් උත්සවය සමරනු ලබන්නේ සිදුහත් කුමරැගේ ඉපදීම, බෝසතාණන්ගේ බුදුවීම,
බුදුරජාණන් වහන්සේගේ පිරිනිවීම යන තෙමඟුල සිහිපත් කිරීමට ය. 
ගස්වැල් මලින් හා පලින් බර වී වෙසක් මංගල්‍යයට සැරසෙයි. සොබාදහම නීල වර්ණයෙන් බැබළෙයි. මිනිස්සු තම නිවෙස් සැරසීම සඳහා වෙසක් කූඩු නිවෙස්වල එල්ලති. විදුලි බුබුළු වැල් නිවෙස් ආලෝකවත් කරති. සියලු බෞද්ධයෝ තම නිවසේ  බෞද්ධ කොඩියක් දැමීමට අමතක නොකරති. මිනිස්සු පහන් චල්වා මුළු වෙසක් උත්සවය ම ආලෝකවත් කරති.
තැන තැන ඉදිවුණු දන්සල් මිනිසුන්ගේ කුසගිනි නිවයි. විචිත්‍ර තොරණවල සුන්දරත්වය විඳිති. නර්තතනයෙන් අලංකාර වූ පෙරහර වීදි පුරා ගමන් කරයි. 
මෙම ආමිස පූජාවන්ට අමතරව මිනිස්සු ප්‍රතිපත්ති පූජාවෙන් ද වෙසක් උත්සවය සමරති. බොහෝ මිනිස්සු වෙසක් පොහොය දිනට සිල් සමාදන් වෙති. සිල් සමාදන් වීමට අමතරව සැදැහැවත්තු ගවයන් වැනි සතුන්ට අභයදානය දීම වැනි ප්‍රතිපත්තිමය පින්කම්වල යෙදෙති. 
‍වෙසක් උත්සවය සමාජය යහපතට ගැනීමේ අඩිතාලම සපයයි.

සවිනි කුමසාරැ
6 ශ්‍රේණිය,
මාර/සුජාතා විද්‍යාලය, මාතර.