රොබර්ට් මුගාබේගේ 'ගරු තානාපති' ධුරය අවලංගු කෙරේ

සිම්බාබ්වේ ජනාධිපති රොබර්ට් මුගාබේ වෙත ලෝක සෞඛ්‍ය සංවිධානය විසින් පිරිනමන ලද ගරු තානාපති ධුරය අහෝසි තිබේ. ලෝක සෞඛ්‍ය සංවිධානය විසින් මෙම තීන්දුව ගෙන ඇත්තේ ගරු තානාපති ධුරයක් පිරිනැමීම සම්බන්ධයෙන් විරෝධය පළ වීම නිසාය. "මේ සම්බන්ධයෙන් අවධානය පළ කළ සියලු දෙනාටම මම හොඳින් ඇහුම්කන් දුන්නා" යයි ලෝක සෞඛ්‍ය සංවිධානයේ ප්‍රධානී ටෙඩ්රොස් අධානොම් ගෙබ්‍රියේසොස් නිකුත් කළ නිවේදනයක දැක්වේ.

මහජන සෞඛ්‍ය සම්බන්ධයෙන් සිම්බාබ්වේ පාලනය දක්වන කැපවීම ඔහු විසින් මීට ඉහතදී අගය කරනු ලැබ තිබිණි. 92 හැවිරිදි ජනාධිපති මුගාබේගේ 30 වසරක පාලන කාලය තුළ සිම්බාබ්වේ සෞඛ්‍ය සේවය පිරිහී ඇති බව විවේචකයෝ පෙන්වා දෙති' සේවක වැටුප් නොගෙවීම සහ ඖෂධ හිඟයක් පවතිද්දී ජනාධිපතිවරයා ප්‍රතිකාර සඳහා විදේශ ගත වීම විවේචකයන්ගේ විරෝධයට හේතු වී තිබේ. (බිබිසී)