ෆින්ලන්තයේ හිම බෝල

මේ දිනවල ෆින්ලන්තයේ, හයිලුඕටො වෙරළ තීරය පුරා බිත්තර තැබුවා සේ අරුම පුදුම හිම බෝල විසිරී පවතී. හිම බෝලවලින් සැදුණු මෙම චමත්කාර දර්ශනය දකිනු කැමති සංචාරකයෝ ෆින්ලන්තයට එමින් සිටිති. ොවෙරළ තීරයේ සෑහෙන තරම් දුරක විවිධ ප්‍රමාණයේ හිම බෝල පවතින බවද ෆින්ලන්ත වැසියෝ කියති.

පළමුව වෙරළ ආසන්නයේ ඇති ජලය, දියවෙමින් පවතින හිම ස්ථරයක් ලෙස වෙන්වෙයි. දියවෙන හිම ස්ථර එකට එක්වී, දැඩි සීත දිය මත වර්ධනය වේ. වෙරළට මුහුදු රළ පැමිණිවිට රළ මත ගැටෙන හිම,  කරකැවී සුමුදු වී වෘත්තාකාර වී හිම බෝල බවට පත්වේ.

ඩිල්ෂානි චතුරිකා දාබරේ